Assi: Mads Pihl/Visit Greenland

AWG-p kingorna takornariat amerlisut

Ukioq manna qaammatini siullerni sisamani takornariaqarneq pingajorarterummik amerleriarsimapput.

Arctic Winter Gameseqarnereersorlu nuantsinnut takornariat qaammatini siullerni amerlassussaat ajorisassaanngitsoq, Visit Greenland tusagassiutitigut nalunaarutaanni allaqqavoq.

Takornariat ukioq manna qaammatini siullerni siornamut sanilliullugit 33 %-imik amerlanerupput. Nuummi Arctic Winter Gameseqartoqarnerani peqataasorpassuit ilanngutinngikkaluarlugit ukiuunerni takornariat 15 %-imik amerlisimanerat ajunngilluinnarpoq, Visit Greenlandimi siunnersorti, Mads Lumholt allappoq.

Nunatsinnulli takornariartartut amerlanerit aasaanerani tikinnerusartut erseqqissaatigineqarpoq.

Nunani tamalaani takornariartartut taamaaginnassangatinneqarput, taamaattoq Tuluit Nunaanni pisut eqqissisimanngissutaasullu apeqqutaallutik takornariat angalarusussusaannut suli sunniuteqarsinnaasorineqarput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat