AWG misilitsinnermi angusivoq

Ukiuunerani unammiuaarnernik aaqqissuisuusussaq, Kommuneqarfik Sermersooq, tusagassiorfinnut nalunaaruteqarluni taama allappoq.
 
Suut tamarmik timersornermi atortorissaarutinit uffarfinnut, peqataasunut unnuisarfinnit isumannaallisagaanerannut misissorneqarput, akuersinissarlu taamaattussaannartut isigineqanngilaq.
 
- Aaqqissuussisunut pitsanngorsaaqqusisarnerput nalinginnaasarpoq. Naliliinerput naapertorlugu uffarfiit 200-t amigaataappata, uffarfiit 200-t sanasariaqarpaat, Arctic Winter Gamesip ataatsimiititaliarsuani siulittaasoq Jens Brinch taama oqarpoq.

AAMMA ATUARUK AWG-p ataatsimiititaliarsuanut ilaasortat Nuummut tikeraartut

Qujanartumillu ukiuunerani unammiuaarnerit aappaagu ingerlanneqalerpata atortorissaarutit atorneqartussat nunani tamalaani maleruagassanut Arctic Winter Gamesillu piumasaqaataanut naapertuupput.
 
- Atortorissaarutit pitsaasut atoriaannaat takuagut, Jens Brinch taama oqarpoq.
 
AWG-p Namminersorlutik Oqartussanit Kommuneqarfik Sermersuumillu tapersersorluarneqarnera maluginiarsimallugu aamma oqaatigaa. Ukiuunerani unammiuaarnerit ingerlanneqarnissaannut piareersaatinut atatillugu, namminneq kajumissutsiminnik suleqataasut najukkamilu innuttaasunik akuutitsineq aamma assut nuannarigaa, kommuni allappoq.
 
- Kajumissutsiminnik sulisut naapippavut, tamarmik kajumissuseqarlutik pikkoripput. Taamaannissaq aamma pisariaqarpoq. Maannakkut suliassaat annerpaaq tassaavoq, kajumissutsiminnik sulisussat amerlanerit pissarsiarissallugit, Jens Brinch oqarpoq.

AAMMA ATUARUK AWG nuannannissamut pilikannissamullu qaaqqusivoq