AWG-mi sungiusaasussat Kuujjuarmi piukkunnarsassapput
Issittumi nunat inuusuttaasa unammersuarnissaat marsip tallimaani aallartippat akitsinnit Nunavimmit/Quebecimillu peqataasussat 41-ssapput.
Unamminerit aallartitsinnagit sapaatip akunnerata tulliani peqataasussat, sungiusaasut aqutsisullu Kuujjuarmi piukkunnarsarlutik katersuuteqqaassaapput.
Inuit eqqillillu timersuutaannik unamminerni angusaqarluassangapput, aammattaaq badmintonimik, maakkarnaveequserlunilu oqilaniunnermi unamminissani isumalluarput.
2004-mi Issittormiut Unammersuarneranni Nunavimmiut 16-inik ulunnapput, kuultit arfineq pingasut, sølvit sisamat, bronzellu sisamat.
Arctic Winter Gamesimut Nunatsinnit siullerpaamik peqataasoqarpoq 1972-mi, Canadami Whitehorsemi unammersuartoqarmat. Unammissutini badmintonimi, sangusaarnermi ujakkaarnermilu nunatsinnit qulingiluat peqataapput.
1972-mi unammiartortut angusarinnernut ilaagaluarlutik qaaqqusaaginnarnertik peqqutigalugu ujaminnatsinneqanngillat, peqataaqqaartunut ilaasoq ulloq mannalu tikillugu suli sangusaartartuusoq Tobias Heilmann oqaluttuarpoq.
