Nerrivimmi arsaarartartut ippassaq ulloq naallugu holdikkaarlutik unammipput - ullumikkullu arlaleriarlutik ajugaaniutivissapput. Sulorartartut holdikkaarlutik aamma unammilereerput - pingasoriarlutillu ajugaareerlutik.
Volleyballertartut aallartinnerliorput. Angutit juniorit unamminerni marlunni siullerni ajorsarput. Siullermik Nort West Territoriamut 1-2-mik ajorsarput, Albertamut unamminerminni kalaallit susaarput Albertamiut marloraartut.
Arsaattartulli ingerlalluarput, nukappissat nukarliit marloriarlutik unamminerminni aappassaa ajugaapput, Yukonimut unamminerminni 3-2-mik ajugaaqqarlutik. Nukappissani angajullerni unammisut aamma Alaskamut unamminerminni 2-1-imik ajugaapput.
Nivissat arsaanneranni Kalaallit Nunaat Alaskamut unamminermi 2-4-mik ajorsarput.