AWG-mi kalaallit kuultinnattaat siulleq

Issittormiut unammiuaarneranni Arctic Winter Gamesini kalaallimik kuultinnattoqarpoq, tassa snowboarderluni Slopestylernermi.
marsip 09-at 2010 06:58

Kuultinnattoq tassaavoq angut inuusuttoq Nuumminngaaneersoq, Mikkel Olsen. Taanna sisorartartunut Timersoqatigiit Kattuffianniit tapersersortaannut, Akâra Skiftemut, sisunngilaarnermini oqarpoq, tinngallakkiartulaaginnalerluni.

Kalaallit snowboardertartut unammillertitik sungiusartut takoreerlugit unammilinnginnerminni isumalluareerput. Soorlu nalunngereeraat medaljannakkumaarlutik. Issittormiut ukioq manna unammiuaarneranni Kalaallit Nunaata kuultinnattaa siulleq Mikkel Olsenip pingaartorsiorluni tulluusimaaqalunilu tiguaa.

Kalaallit Nunaanneersut kuultinnaannanngillat - marlunnik aamma bronzinnapput. Timersuummi nutaami freestylernermi bronzemedalje ataaseq Malik Berthelsenip pissarsiaraa.

Aqqalu Petersen sangusaapiloornermi aamma bronzinnappoq. Tassa sisorartartut Kalaallit Nunaat medaljannatsippaat.