AWG: Kultit siulliit qulakkeerpaat

Sisoraatini oqilaniuttartoq Aka Olsen Sisimiuneersoq 5 kilometerimut saarlisaarnermi kultinnappoq. Tonny Fisker Arctic Sportsimi aamma kultinnappoq. Sangusaapiloornermi Benjamin Hammeken bronzennappoq. Angusat takukkit.

Inuiattut erinarsuupput Whitehorse-mi appinneqarpoq sisoraatinik oqilaniuttatut ujaminnattaassaat agguaanneqarmata. Tassani pineqarpoq 13-nik ukiulik Aka Olsen Sisimiuneersoq, russimiit Daniil Neustroef-imit sekundimik ataatsimik sukkanerulaaginnarluni ajugaasoq.

- Ingerlaarnitsinni naluara qanoq immitsinnut inissisimanerluta, Aka Olsen KNR-imut oqaluttuarpoq ujaminnattaassani tigoriitsiarlugu.

Kalaallit peqataasut allat angusarissaarpallaanngillat. Angusat ataani takukkit.

Nukappissat nukarliit 5 kilometer saarlisaarneq
1. Aka Olsen, Kalaallit Nunaat 11.49,6 minutit
2. Daniil Neustroev, Yamal 12.50,7 minutit
3. Tracen Knopp, Alaska 12.59,1 minutit

Nukappissat nukarliit tullii 5 kilometer saarlisaarneq:
1. Max Donaldson, Alaska 11.42,6 minutit
2. Jussi Rytky, Samer 12.02,7 minutit
3. Aleksei Sokolov, Yamal 12.06,6 minutit
17. Salik Olsen, Kalaallit Nunaat 13.35,6 minutit
18. Nukappiannguaq Olsen, Kalaallit Nunaat 13.38,1 minutit
19. Pakkutaq Hansen, Kalaallit Nunaat 14.44,8 minutit

Niviarsissat nukarliit tullii 5 kilometer saarlisaarneq:
1. Linn Birgitte Njuolla, Samer 14.10,6 minutit
2. Valeriia Meleshenko, Yamal 14.13,3  minutit
3. Morgan Flynn, Alaska 14.15,9 minutit
7. Ninni Jerimiassen, Kalaallit Nunaat 14.56,7 minutit
12. Nunni Petersen, Kalaallit Nunaat 15.13,4 minutit
16. Malou Johansen, Kalaallit Nunaat 15.45,9 minutit

Nukappissat inuusuttut 5 kilometer saarlisaarneq:
1. Forest Tarbath, Alaska 11.36,6 minutit
2. Aleksandr Popov, Yamal 11.38,6 minutit
3. Fabian Brook, Alberta 11.53,8 minutit
11. Angutitsiaq Lynge, Grønland 12.34,3 minutit
18. Aqqalu Frederiksen, Grønland 13.22,2 minutit
19. Anguteeraq Kleist 13.39,1 minutit

Sangusaapiloorneq
Sangusaartartut aamma ujaminnapput 16-nik ukiulik Benjamin Hammeken inuusuttut sangusaapiloorneranni bronzennammat. Aqqaluk Petersen normu 6-nngorpoq.

Nancy Berthelsen normu 6-nngorput arnat inuusuttut akulliit sangusaapiloormata.
 

Tonny kultinnapppoq
Inuiattut erinarsuupput aamma atorneqarpoq Arctic Sports-mi ujamminik agguaanermi. Unammeriaatsimi kneeljumpimi Tonny Fisker kultinnarpoq. Taamatut unamminermi peqataasut seeqqummersimasinnarlutik siumut pisseriartarput nikuillutik tullutik.

Tonny Fisker kultinnannermini 141,6 centimeterimut pisippoq. Inuusuttuaqqani unammeqataasoq Jokum Lange unammeriaatsimi tassani bronzennappoq 109,9-mut pissikkami.


 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat