AWG-imi kalaallit ujaminnattaat amerliartorusaarput
marsip 10-at 2006 18:02
Issittumi Nunallit Unammiuaaqatigiinnerat naammassiartorpoq. Nunatsinneersut ujaminnattaat amerliartorusaaraluartut nunat allat malinnaaffigiuminaapput.
Nunat qulingiluat akornanni nunarput kingulliit pingajuattut inissisimavoq, 27-nik ujamminnattaaqarlutik.
Alaska siuttuuvoq, manna tikillugu 140-nik ujaminnattoq.
Unammiartortulli akornanni pakatsisimasoqanngilaq.
-Ujamminnattaagut tamaasa nuannaarutigaagut. Naatsorsuutigaarput ujammit 30-t 40-llu akornanni pissarsiarisinnaassallutigit, angalaqatigiinni aqutsisoq Claus Nielsen oqarpoq.
Ujammit kuultit sølvillu suli naatsorsuutigineqarsinnaapput. Iligiiaarluni sulorartartut utoqqaanerit finalimut annguttut kalaaliinnaapput.
