AWG-imi aputissaaleqipput
Piffissami kingullermi ississimavoq, annikitsuinnarmilli nittaattarluni, unammiuaarfissallu apusersortariaqalermata innuttaasut ikiuutariaqarsimapput.
Nammineq piumassutsiminik ikiuuttut ilaagaat Jamie Tait, taassuma ernera Snowboardimik unammisunut peqataasussaavoq.
- Apummik assartuiniarneq assut ajornakusoorpoq, sulinaqaarlu, Jamie Tait nutaarsiassaqartitsivimmut Nothern News Service-mut oqarpoq. Nammineq piumassutsiminnik ikiuuttut allat peqatigalugit Yellowknife-mi apummik amiakkuusumik aalleqattaartariaqarsimapput. Apullu pissarsiarineqartoq qulimiguulik atorlugu unammiuaarfissanukaassorneqarpoq.
Apummik assartuineq 400-t tiimit missaannik piffissamik atuiffiuvoq.