AWG ammarneqarpoq
Arctic Winter Games katinngatilisaarluni, erfalasulisaarluni ikumatitalisaarlunilu ippassaq ammaanersiorneqarpoq.
Alaskami Kenaimi unammisaqattaartoqassaaq, taavanilu timersortartut ammaanersiornermi immikkut takutitsipput.
Ukiuunerani olympiadertoqarnerani snowboardertimik unamminermi bronzinnattup, Rosey Fletcherip, ikumasoq ikippaa.
Amerikameersoq, sisoraaserluni ooqattaasartartoq, Jay Hakkinen, unammiat taamaasa sinnerlugit neriorsinneqarpoq.
Ammaanersiornermi unammisussat 2100-nit amerlanerusut unammisarfissuarmut isaapput.
Russit, saamit, kalaallit, canadamiut alaskamiullu peqataapput. Nunatsinnit timersortartut 132-t unammiarput.
Ammaanersiortoqareermat nalunaaquttap akunneri pingasut qaangiutiinnartut unamminerit siulliit aallartipput. Ullumikkut sisoraaserluni aputisiuserlunilu oqilaniuttoqassaaq inuillu timersuutaannik unammisoqassalluni.
Arctic Winter Gamesimi unammisaqattaarnerit tallimanngorpamut killeqarput.
