Kulturi

AWG 2018-ip erinarsuutaa erinarsortup pakatsissutigigaa

Issittormiut Canadami South Slavemi Arctic Winter Gamesimi unammiuaarneranni erinnap ilisarnaatip nunarsuup Issittortaani erinarsortartumit erinniarineqaranilu erinarsorneqannginnera, erinarsortartup Nunavummeersup ajuusaarutigaa.

Allattoq Mads Lynge

marsip 14-at 2018 12:37

Erinarsortartoq Ontariomeersoq Serena Ryder, Arctic Winter Games 2018-ip ilisarnaataanik "Be The Ones"-imik erinarsortuuvoq.

Erinaq Arctic Winter Gamesimut ilisarnaataasoq aaqqissuisunit qaammatip matuma ingerlanerani saqqummersinneqarpoq, sinneqartoorutillu ilaat Arctic Winter Gamesimut tutsinneqassapput.

AAMMA ATUARUK Nunavummiu Qooqquni peqataalersoq

- Erinarsortartoq pikkorissoq Issittoq sinnerlugu erinarsortussaq nassaarisinnaannginneramikku? Kelly Fraser, erinarsortartoq Sanikiluameersoq, Facebookimi quppernermini ilaatigut taama aperivoq.

- Erinarsortartumik Issittumeersumik erinarsortitsinissaat kissaatigigaluarpara, Fraser CBC-mut oqarpoq.

Serena Ryderip erinniaa Toronto 2015 Pan Am & Parapan Ama Gamesimut naatsorsuussaagaluarpoq, taamanikkulli atorneqarani.

AWG sapaatiuppat marsip 18-iani aallartissaaq.

AWG 2018-ip erinarsuutaa erinarsortup pakatsissutigigaa

Aamma atuaruk