Avisinut porto akitsorpat avisisisartut ikilissapput

Avisinut portomik qaffaaniarneq nunatsinni aviisinut eqquingaatsiassaaq. Ukioq manna Aningaasanut Inatsit naapertorlugu portomut tapiisarneq annikillingaatsiassaaq, tamatuma saniatigut Post Greenland portomik aamma qaffaammat, avisinik agguaaneq pingasoriaammik akitsussaaq.

Portomik qaffaaneq avisimut Sermitsiamut 2,5 million koruuninik taava naleqalissaaq.

-Avisit aningaasaqarnerat annertoorujussuarmik eqqorneqassanngippat avisi akitsortariaqassaaq, akitsorpallu aviisisisartut akissaarutissapput.

Taamalippat ineriartorneq, demokratii inuiaqatigiinnilu oqallinneq eqqorneqassallutik, Sermitsiap aaqqissuisua Poul Krarup oqarpoq.

AG-p aaqqissuisua Laila Ramlau Hansen oqarpoq

portomik akitsuiniarneq piareersimaffiginiarlugu tusagassiortumik ataatsimik sipaaruteqareersimallutik, sipaarniarnerlu piviusunngussappat suli ikilisaasariaqassallutik.

Avisit nunani tamalaani suleqatigiiffiittut ilaasortaaffigisaannut Would Association of Newspapers-imut saaffiginnissuteqarput sipaarniartoqarneranut qisuaateqaqqusillutik. Aningaasanut Inatsisissami tapiissutit arlallit sipaarfigineqarnissaat portumut tapiissutikillisaanissamut tunngavigineqarpoq.