Vatikanit siunnersuisuunerit avittoqarsinnaaneranik aalajangiisartut, aalajangiiniarnerminni avikkumasunit patsisiliunneqartartut arlalissuit tusartarpaat.
Ilaasa avikkumanerminni nuliaasup pujortarumajunnaarniannginnera avikkumanermut patsisigisarpaat.
Imaluunniit arnat avikkumanerminnut patsisigisarpaat, uimik anaanaminnut allaat 40-t tungaannut ukioqaraluarlutik suli atavallaarnerat.
Avikkumasut patsisipalaarisartagaasa saqqummerneranut patsisaavoq Pave Benedict 16-ata oqalugiarnermini piumasarimmagu avittoqassatillugu oqaluffimmit akuersinissami, avikkumasut pitsaanerusunik patsisilersuuteqartarnissaat.
Pujortartarneq anaanamulluunniit atavallaarneq avissinnaanermut patsisaasinnaanersoq, ritzau-imi allaaserineqartumi erseqqarissarneqanngilaq.