Aviisit naleqqussarluakkat neqeroorutigineqartalissapput
Aviisiliuna immikkut sammisaqarfiusoq sunaasoq?
- Inuussutissarsiuteqartut aviisimik pisartagallit Sermitsiaq Atuagagdliutilluunniit inniminneersinnaavaat, kisiannili nuataarsiassat naliginnaasut saniatigut saqqaani, qeqqani tunuanilu sullitatta quppernerit nammineq kissaatigisani malillugit immikkut sammisanut atorsinnaavai, sermitsiaq.ag-mi tuniniaanermut pisortaq Nicolaj Jacobsen taama oqarpoq.
Taamatut neqerooruteqarneq atuartartunit aalajangersimasunit, soorlu akunnittarfinnik aqqusaarsisunit imaluunniit aalajangersimasumik aaqqissuussinermut atatillugu taamaallaat pisiarineqarsinnaavoq.
- Aviisit nutaamik ingerlalernissaannut tamanna misiligutaavoq. Tamanna X-Factorip kinguninnguatigut siuninnguatigulluunniit DR-ip nutaasiassanik aallakaatitsisarneranut assersuunneqarsinnaavoq, tassami uagut nutaarsiassaqartitsiviup aviisimut sullissisup aammalu tuniniaanermut immikkoortortaqarfiup atuartartunik sullissisup akornani immikkoorluinnaratta, Nicolaj Jacobsen oqarpoq.
Sullitaq siulleq aviisimik immikkut sammisaqarfiusumik misiliisussaq tassaavoq Hotel Arctic Ilulissaniittoq, aqqusaarsisullu sapaatip akunnerani matumani Sermitsiaq nalinginnaasoq atuarsinnaaleriissallugu quppernerit saqqaaniittut, tunuaniittut qeqqaniittullu Hotel Arcticimit namminermit immikkut sammineqartut eqqarsaatiginngikkaanni.
Atuartartup nammineq AG imaluunniit Sermitsiaq atuassanerlugu aalajangissavaa.
