Aviisit ataatsimoorlutik tusagassiortunik katersortitsisussanngoriasaarput
AG aamma Sermitsiaq tusagassiortunik piffissaq sivikitsuinnaq atorlugu qaaqqusipput, ilimagineqarporlu suleqatigiissutigineqarsinnaasut pillugit pisortatigoortumik nalunaarutiginnittoqassasoq.
Allattoq Bikki P. Kleist
novembarip 13-at 2009 08:31
Aviisit AG aamma Sermitsiaq nalunaaqutaq ullup qeqqanut katersortitsissapput, aviisillu ilaatigut teknikkikkut allatigulluunniit suleqatigiissinnaanerat siusinnerusukkut oqaatigineqartarpoq.
Tusagassiortunik katersortitsinermit Radioaviisi toqqaannartumik tusagassiissaaq.
