2009-mi naatsorsuutini amigartoorutit ilarparujussui, kattunnermut atasumik immikkut aningaasartuutigineqartunik pissuteqarput, aaqqissuisuuneq Poul Krarup Ritzauimut oqarpoq.
Kisiannili aammattaaq 2009-mi ukiakkut aviisit tunineqartartut ikileriarujussuarnerat pitsaanngitsumik angusaqarnermut ilapittuutaavoq.
Aviisit ukioq manna januaarip aallaqqaataani kattutissallutik oktobarimi aalajangernerannut tamanna pissutaasut ilagaat.
- Appariarneq inunnut aningaasaqarniarnermullu akisusimavoq. Tamatumanimi suleqativut pikkorissut amerlaqisullu inuulluaqqusariaqarsimavavut, Poul Krarup oqarpoq. Aviisini sulisut 15-it soraartariaqarsimapput.
Akerlianilli kattunnissamik aalajangernerup eqqortuliornerusimanera Krarupip qularutiginngilaa, tassami aviisit 2010-mi kvartalimi siullermi pitsaasumik angusaqarsimanerisa tamanna takutimmassuk.