Aviisiliortut qulingiluat Iranimi tigusarineqarput

Aviisiliortut tusagassiortullu qulingiluat Iranimi oqartussaasunit ullut kingulliit marluk ingerlaneranni tigusarineqarput. Sooq sunalu pissutigalugu tigusarineqarnersut ilisimaneqanngilaq.
februaarip 08-at 2010 08:12

Islamisiortut mumisitsinerannit ukiup ataasinngornerata malunnartinneqarnissaa qallisorlu aviisiliortut taakku tigusarineqartut, nutaarsiassaqartitsivimmi Ritzauimi tamanna allaaserineqarpoq.

Aviisiliortut tigusarineqartut illuatungiliuttut aviisiini aamma aviisini nunamit tamarmit aqunneqartuni sulisuupput.

Præsidentimut juunimi assortuussutaaqisumik qinersisoqarmalli Iranimi præsidenti, Mahmoud Ahmadinejad, akerliussutsimik takutitsiffigineqartarpoq, aviisiliortullu katillugit 40-t taamanimiilli tigusarineqarsimasut aviisiliortut tusagassiortullu peqatigiiffiat, Journalister Uden Grænser, ilisimatitsivoq.

Illuatungiliuttut aviisiata nittartagaani Kaleme.org-imi allassimasoq naapertorlugu aviisiliortut tusagassiortullu 55-it Iranimi maanna parnaarussaaqqapput.

Naalakkersuisunut akerliunertik illuatungiliuttunik illersuisut ulluni eqqaaniaaffinni nalliuttunilu takutinniartarpaat, ilimagineqarporlu akerliussutsimik sisamanngorpat aamma takutitsissasut.