Aviisiliortut amerikamiut marluk Bill Clintonip parnaarussaajunnaartippai
Aallaqatigai amerikamiut aviisiliortut marluk, Laura King aamma Euna Lee, Korea Avannarlermi marsip qaammataanili parnaarussaasut.
Danmarkip Radioata nittartagaani tamanna allaaserineqarpoq.
Bill Clintonip Korea Avannarlermiinnerani aviisiliortut taakku marluk Korea Avannarlermi kisermaassilluni naalakkersuisumit, Kim Jong-Ilimit saammaassaapput.
Korea Avannarlermiut Kinamut qimaasut aviisiliortut taakku marluk pisimasuinnik tunngavilinnik filmiliarileruttorlugit tigusaapput, inatsisinillu unioqqutitsillutik Korea Avannarlermiinneragaallutik.
Clintonip Korea Avannarlermiinnera USA-mi politikkikkut aalassassutaavoq. Præsidentip Illorsuaniit oqaatigineqarpoq, Clinton nammineq piumassutsini atorlugu angalasoq, tikeraarnerlu tassaannginnerarpaa, amerikamiut Korea Avannarlermut matoqqaqisumut qanillattorniarneq.
