Folketingimut qinersineq 2015 Aviisi: Savalimmiormiut Folketingimi sulinermi eqeersimaarnerupput

Folketingimut ilaasortap Savalimmiuneersup Sjurdur Skaalep Atlantikup avannaamiut Folketingimi issiatitaqarnissaat apeqquseraluaraa, politikerit Savalimmiuneersut Danmarkimi politikkikkut suliaqarnermi eqeersimaarnerupput.
Allattoq Helle Nørrelund Sørensen
juunip 03-at 2015 08:05
Nutserisoq Simon Uldum -

Aviisip Jyllands-Postenip naatsorsuinerata tamanna takutippaa.

Aviisimi allaaserineqartoq naapertorlugu, politikeri Savalimmiormiu talerperliusoq Edmund Joensen Sambandspartimeersoq, Folketingimi ukiuni kingullerni sisamani 33-riarluni taaseqataasimavoq. Taasinerit tamarmiusut 2 procenteraat, ilaatigullu ilinniagaqarnersiaqartitsinermut, inuussutissalerinermut, nunalerinermut inissianillu attartortitsinermi inatsisiliornermut tunngassuteqarlutik.

Socialdemokratiusoq Sjúrður Skaale Javnadarflokkurinimeersoq ukiuni kingullerni sisamani arfineq-pingasoriarluni taaseqataasimavoq.

AAMMA ATUARUK Savalimmiormiu: Atlantikup avannaamiut Folketingimi issiatitaqarunnaassappat?

Nunatsinniillu ilaasortat, Doris Jakobsen Nick Nielsenilu Folketingimi tallimariarlutik taaseqataasimapput, Sara Olsvig sinniisualu Johan Lund Olsen qinigaaffimmi kingullermi sisamariarlutik taaseqataasimallutik, aviisi taama allaaserisaqarpoq.

Atlantikup avannaamiut ilaasortaatitaat Danmarkimi naalakkersuinikkut ingerlatsinermi arlaleriarlutik aalajangiisuullutik taaseqataasarsimapput. Taakkuuppullu ministeriunerup Poul Nyrup Rasmussenip 1998-imi ingerlaqqinnissaanut qulakkeerinnittuusut.

Aammattaaq 1988-imi, tv-qarfiup TV2-p ammarneqarnissaa, ilaasortat Savalimmiuneersut taaseqataanerisigut qulakkeerneqarpoq.

AAMMA ATUARUK Savalimmiormiut aalajangiisooratarsinnaasut

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq