Aviisi nutaaq
decembarip 29-at 2004 05:46
Nunatsinni pisut pillugit internetimi aviisi nutaaq qallunaatuinnaq allassimasussaq ukiortaamiit saqqumissaaq.
Aviisi Webavisen.gl tusagassiortumit Bjarne Hansenimit Bornholmimit ingerlanneqarpoq. Taanna isumaqarpoq kalaallit Nunaaniinngikkaluarluni nunarput pillugu nutaarsiasserisinnaalluni.
Namminersornerullutik Oqartussat Nuullu kommuniata tusagassiorfinnut nalunaarutaat ikiuutaassaqisut tusagassiortoq isumaqarpoq.
Bjarne Hansen nammineerluni 50.000 koruuninik aningaasaleereerpoq, sulili aningaasaliisussassiorpoq.
