Maajip ulluisa aappaanni assilisami takuneqarsinnaavoq toqutsinermut pasineqartut ilaat, Marokkomi illoqarfiit pingaarnersaata Rabattip ungasinngisaani illoqarfimmi Salemi eqqartuussivimmut isilersoqAssi: Ukendt / AFP / Ritzau Scanpix

Aviisi: Marokkomi toqutsinermut pingaarnertut pasineqartut pisuunerartut

Angutit Marokkomeersut pingasut, arnamik Norgemeersumik, arnamillu Danmarkimeersumik siorna decembarimi toqutsisimasutut unnerluutigineqartut pillugu eqqartuussivitsigut suliaq ullumi nanginneqassaaq. Unnerluutigineqartut tamarmik toqutsisimasutut pasineqarnerminni pisuunerarput.

Norgemi aviisi VG taama allaaserisaqarpoq.

Angutit pingaarnertut pasineqartut katillugit sisamat illersuisuata oqaatigaa unnerluutigineqartut tamarmik peqqarniitsuliorsimasutut tamarmik pisuunerartut.

Angutit eqqartuussivimmut sassartinneqartut peqqarniisaarniaqatigiinnik Islamisk Statimik tapersersuisuunertik killisiorneqarnerminni nassuerutigereerpaat, peqqarniisaarniaqatigiillu sinnerlugit Syriami sorsoqataanissartik kissaatigisimagaluarlugu.

AAMMA ATUARUK Angut 33-nik ukiulik Marokkomi toqutsinermut atatillugu parnaarussassanngortinneqartoq

Angalanissamullu akissaqannginnertik pillugu aalajangerpaat Marokkomi takornarianik, islamisiortuunngitsunik toqutsiniarlutik.

Takornarianik qaqqasiortunik tamanna pillugu ujarlilersimanerarput.

AAMMA ATUARUK Marokkomi toqutsisoqarneranut atatillugu pingasut tigusaasut

- Savilersorluta unnuakkut saassuppavut, pingaarnertut pasisat ilaat killisiorneqarnermini oqartoq, aviisip VG-p allaaseraa.

Arnat marluk taakku savimmik kapineqarsimasut paasineqarpoq, Marokkomilu oqartussat tamanna peqqarniisaarniarnertut nalilerpaat.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat