Assi: Tiocfaidh ár lá 1916/Flickr Creative Commons

Aviisi Brexit pillugu: Kalaallit Nunaannut kinguneqarallartussaanngilaq

Tuluit Nunaat EU-mi ilasortaajunnaareeraluartoq Tuluit Nunaannik niueqateqarnermi maannamut najoqqutassat 2020-p naaneranut atuupput.

Taamaattumik nunatsinni innuttaasut inuussutissarsiutinillu ingerlatsisut Tuluit Nunaata EU-mi ilaasortaajunnnaarnera ukioq manna malugisaqarfigissanngilaat.

Taama Nunanut Allanut Naalakkersuisoq, Siumumeeroq Ane Lone Bagger, Sermitsiaq.AG-mut naliliivoq.

Ane Lone Baggerimmi naatsorsuutigivaaa EU-p malittarisassai aamma inatsisai Tuluit Nunaanni ukioq manna naallugu atuutsinneqarallassasut.

- Taamaammat Tuluit Nunaata Kalaallillu Nunaata niueqatigiittarneranni sinaakkutaasut 2020-mi suli atuutissapput, tassani malittarisassat inatsisillu EU aqqutigalugu inissitaanerat pissutigalugu, Ane Lone Bagger Sermitsiaq.AG-mut taama ilisimatitsivoq.

AAMMA ATUARUK Bagger: Tuluit Nunaannik niueqatigiinnermut isumaqatigiissuteqarnissamut isumalluarnartunik tusartarpugut

Ane Lone Baggerilu naapertorlugu Naalakkersuisunit aamma naatsorsuutigineqanngilaq Tuluit Nunaannut angalanermi allannguuteqartoqarnissaa.

- Naatsorsuutigaarput Kalaallit Nunaanni innuttaasut Tuluit Nunaannut angalaneranni atugassarititaasut allannguuteqassanngitsut, aamma Tuluit Nunaanni innuttaasut Kalaallit Nunaannut angalaneranni atugassarititaasut 2019-imi atuussimasut 2020 tamakkerlugu atuutiinnassasut, taama Sermitsiaq.AG-mut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat