Avatangiisit pillugit isumasioqatigiinnermit inerniliinerit
Kalaallit Nunaani politikkikkut oqartussaasut innuttaasullu akunnerminni ilisimatuussutsikkut ilisimalersimasanik ammasumik oqaloqatigiillutik paaseqatigiinnerulernissartik ilikkartariaqaleraat, avatangiisit pillugit isumasioqatigiinnermi peqataasut innersuussutissatut saalajangiuppaat.
apriilip 22-at 2008 16:54
Ilisimatusarnermut paasisat assigiinngitsut annertunerusumik innuttaasunut tunniunneqartarnissaat peqataasunit ujartorneqarpoq.
Maniitsup eqqaani aluminiumik aatsitsiveqalernissaq pillugu paasisitsiniaaneq peqataasunit annikigineqarpoq.
Oqartussaasut qulanngivillutik sillimanissamik nassuiaateqarsinnaannginnerat inuusuttunit oqalliseqataasunit uparuarneqartoq erseqqissaavigaat.
Avatangiisimut mingutsitsisunik pisariaqanngitsorpassuarnik Kalaallit Nunaata eqqussuinera isornartorsiorneqarportaaq. Plastikkit allallu toqunartullit eqqaavissuarnut asuli eqqarneqarput sumiiffinnilu qinikkat kommunimiluunniit sulisut taamatut eqqaaneq innuttaasunut oqallissaarutigalugu saqqummiunneq ajoraat uparuarneqarluni.
