Avatangiisit pillugit filmi saqqummersinneqarpoq
Franskeq filmiliortartoq Luc Besson assiliisartorlu Yann Arthus-Bertrand peqatigiillutik filmiliorsimapput, Nunarsuaq balloniminngaanniit qulimiguulimminngaanniit assilillugu filmiliorsimapput atserlugu "Home", filmertarfinni isiginnaarneqarsinnaassaaq, internetikkulli aamma isiginnaarneqarsinnaassalluni.
Tassa nittartagaq YouTube aqqutigalugu filmi saqqummersinniarneqarmat. Aatsaat taamatut saqqummersitsisoqarpoq.
Filmi sivisungaatsiartumik suliarineqarpoq, inuilli ilaasa Yann Arthus-Bertrand ilisimassagunarpaat. Taannami assiliillaqqissutsini qasseerpassuariarluni takutittareerpaa, Nunarsuaq qulimiguulimmiit takullugu asserpassuit saqqumersittarnikuuai, nunarsuarmi tusaamasanngussutigisaminik.
Maanna assiliisaqattaaqqippoq, allaanerussutigaali maanna filmiliorami.
Nunat assigiinngitsut 54-it tikinneqarput, Island Issittorlu tikinneqartunut ilaallutik. Filmip avatangisit pillugit oqariartuuteqarnera filmiliortut ersersinniarsaraat, nunarsuarmioqatigiinnut pingaarutilimmik oqariartuuteqarnerarlugu:
- Nunarsuarmioqatigiit nunarsuup pisuussutaanik atuinerat kingunipiloqartoq takutikkusupparput, atuinerpullu allanngortittariaqarparput, filmiliortut nittartakkaminni allapput.
