Avatangiisit pillugit aarleqquteqarneq VVM-imik nalunaarusiami akerlilerneqartoq

Saffiugassanik qaqutigoortunik uranimillu piiaanermik suliniut qinngornerit ulorianartut annertusinerinik kinguneqassaaq, tamannali inunnut avatangiisinullu sunniuteqarsinnaanera annikitsuaraassalluni, Kujataani Kuannersuarni piiaanermik suliniutip avatangiisitigut sunniutissai pillugit VVM-imik nalunaarusiami, KNR-ip allagaatinik takunnikkumalluni noqqaassuteqarnermigut pissarsiarisaani tamanna atuarneqarsinnaavoq.

Naqqiut: Allaaserisami allaqqaaraluarpugut VVM-imik nalunaarusiaq Avatangiisinut aqutsisoqarfiup aatsitassanut immikkoortortaanut tunniunneqartoq naalakkersuisoqarfimmit misissorneqartoq. Aamma nassuiaat inaarutaasoq Naalakkersuisuinit akuersissutigineqassaaq - Inatsisartuniunngitsoq.  

Nalunaarusiaq 230-nik qupperneqartoq ingerlatseqatigiiffimmit suliniuteqartumit GME-mit tunniunneqarpoq. Nalunaarusiallu imarisaa Namminersorlutik Oqartussanit akuerineqarsinnaanersoq ingerlatseqatigiiffiup maanna utaqqiinnarpaa.

AAMMA ATUARUK GME-p pisortaata VVM-imut missingiutip isornartorsiorneqarnera akerlileraa

Piiaanermik suliniut sumiiffimmi qinngornernik ulorianartunik akulinnik annikitsuinnarnik kinguneqassasoq, tamannalu qummut killiliussanik Danmarkimit Nunarsuarlu tamakkerlugu atomip atorneranut nakkutilliisoqarfimmit aalajangersarneqartunik qaangiinnginnissaa nalunaarusiami atuarneqarsinnaavoq.

AAMMA ATUARUK Kuannersuarni suliniut pillugu nalunaarusiat pingaarutillit GME-p tunniukkai

Suliniut aamma inunnut, uumasunut avatangiisinullu kingunerlutsitsisinnaasumik naleqqutinngitsumik aniasoortoqarneranik kinguneqarsinnaaneranut annikitsuinnarmik aarlerinaateqarpoq.

AAMMA ATUARUK GME misissueqqeqquneqartoq

 

Sumiiffimmi qinngornerit ulorianartut annertuneroreerput

Kuannersuit nalaat nunarsuup sinneranut agguaqatigiissitsinermut naleqqiullugu saffiugassanik uranitalinnik peqarneroreerpoq, piiavimmilu sulineq aallartippat piiasoqalerpallu ataatsimut isigalugu tamatuma 1 procentimik annertusinissaa naatsorsuutigineqarpoq.

 

PAASISSUTISSAT

Qinngornerit ulorianartut avatangiisitsinni nalinginnaasuupput. Imermi, nerisatsinni silaannarmilu. Taamaalilluta qinngornernit ulorianartunit annikitsuararsuarmik sunnigaajuarpugut, taannali inunnut ulorianaateqanngilaq.

Qinngornernik ulorianartunik pilersitsisut annersarissavaat gassi radoni saffiugassarlu radium, kiisalu pujoralak piiavimmit ammaannartumeersoq.

 

Pujoralak siammarterneqartoq lastbiilinit piiavimmit saffiugassamik assartuisuneersuussangatinneqarpoq. 

Suliniutip sumiiffinni Illuata Qooruani, Narsap qooruani, Narsap illoqarfittaani Ipiutamilu, kiisalu Qassiarsuup avannaata-kangiani savaateqarfinni silaannarmik mingutsitsinerata pujoralatsitsineratalu ataatsimut isigalugu nunat tamalaat silaannaap pitsaassusissaanut qummut killiussaat tamatigut ataateqqassagaat nalunaarusiami nalilerneqarpoq.

AAMMA ATUARUK Kuannersuarni suliniutissaq naalakkersuisooqatigiit misilittarneqaatigissagaat

Tailingit Tasermi uninngatinneqassasut

Aamma pujoralaap siammartinnginnissaanut suliniutissat assigiinngitsut nassuiaatigineqarput, soorlu assersuutigalugu qamutit motoorillit piiaviup qimannginnerani ipiiaqqaarneqartarnissaat.

Suliniummi aarlerinaateqarnerpaasoq tassaavoq uranimik piiaanermi sinnikunik uninngatitsinissaq. Sinnikut, aamma Tailinginik taaneqartartut, ulorianartuupput avatangiisinullu, pinngortitamut inunnullu sunniuteqaqqunagit illersorneqarsinnaasumik uninngatinneqartussaallutik.
 
Nalunaarusiaq 200-t sinnerlugit qupperneqartoq Avatangiisinut aqutsisoqarfiup aatsitassanut immikkoortortaanit maanna misissorneqarpoq, Naalakkersuisunut inassutigineqarsinnaanersoq nalilersuiffigineqarluni. Nalunaarusiarmi tamanut tusarniaassutigineqassanersoq Naalakkersuisut aalajangertussaavaat. Tusarniaasoqareerpat aatsaat nassuiaat tamarmiusoq Naalakkersuisunit akuersissutigineqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat