Avatangiisit minguitsuunissaat pingaartuuvoq
BBC-p misissuinerata tamanna takutippaa.
Inuit 22.000-init amerlanerit nunanit 21-neersut misissuinermi silap pissusaata allanngoriartornera pillugu apersorneqarput.
Apersorneqartut 83 procentiisa avatangiisit iluarsiiffiginiarlugit inooriaaserminnik allanngortitsisinnaallutik nalunaarsimapput, aamma avatangiisinik mingutsitsinerpaaffiusuni Kina-mi USA-milu inuit isumaqataapput. Avatangiisit paariniarlugit akitsuutinik qaffaanissaq amerlanerusunit aamma isumaqatigineqarpoq, soorlu benzinap akitsuuserneqarnissaa isumaqatigineqarpoq. USA-mi Europallu kitaani apersorneqartut allaat isumaqarput, nunarsuarput paarilluassagutsigu benzinap akiata qaffanneqarnissaa pinngitsoorneqarsinnaanngitsoq, Russit tamatumunga isumaqataanngitsut, Kina-miut aperineqartut 85 procentiisa nukissiuutinut akitsuutit qaffanneqarnissaat isumaqatigaat. Nunanili akitsuusersuinissanut akerliuffiusuni, akitsuusersuutit toqqaannartumik avatangiisit pitsanngorsarnissaannut atorneqassappata, soorlu benzinap, motoorillu mingutsitsinnginnerunissaannik ilisimatusarnermut, nukissiutinut akitsuusersuinissaq amerlanerujartuinnartunit isumaqatigineqarpoq. Globescanimut BBC-p isumasiuissussinerani, Pisortap Doug Millerip inerniliinera tupaallannarsinnaavoq oqarami, inuiaat assigiinngitsut mingutsitseqataanerminnik, politikerit ilimagisaanniit annikillisaarusunnerusut.
