Avatangiisit innarlerneqannginnissaat innuttaasut pingaartippaat
Radiup qinngornerinik ulorianartunik akulimmik piaanerup kingorna igitassartaa sumut inissinneqassava?
Apeqqut taanna innutaasunit apeqqutigineqartarpoq akissutissarsiniarneqartarlunilu, Aatsitassat pillugit naalakkersuisoq Kim Kielsen oqarpoq.
Uranimik piiaasoqalissagaluarpat pinngortitap mingutsinneqannginnissaa kikkut tamarmik kissaatigalugulu qulakkeerusuppaat, Kim Kielsen oqarpoq.
Innutaasunik ataatsimiisitsinerni apeqqutit pingasut saqqummiunneqartarput, tassalu uranimik piaaneq akuerineqassava ? Itigartinneqassava ? Aatsitassatigullu piaanermi tapertatut piiasoqassava?
Maannamullu amerlanerit tapertatut piianissaq orniginerugaat paasinarpoq, Kim Kielsen oqarpoq.
Aatsitassaq uran pillugu innutaasunik ataatsimiisitsinerit maannamut Nuummi, Maniitsumi, Sisimiuni, Illoqqortoormiunilu ingerlanneqareerput, ippassarlu Paamiuni ataatsimiisitsisoqarluni. Qaqortumi Narsami innutaasunik ataatsmiisitsinissat pilersaarutaapput.
Inatsisartut qaammatip tulliani ataatsimiilerunik, Kalaallit Nunaanni uranimik piaasinnaaneq oqallisigisassaasa ilagissavaat.
Uranimik piiaanissamik siunnersuuteqartoqarpat ukioq inatsisartuni aatsaat 2009-imi aalajangiisoqarsinnaassaaq.
Inatsisartullu akuerippassuk kalaallit qallunaallu aatsitassat pillugit ataatsimiititaliaanut innersuussutigineqassaaq tassanngaanillu inatsisartuni akuerineqarnissaa aalajangiisuussalluni.
