Avatangiisit avannaamioqatigiinni oqallisigineqarput

Nunarsuarmi mingutsitsinerup issittumi avatangiisinut ajornartorsiortitsilersinnaanera, Nunat Avannaamioqatigiit Stockholm-imi ataatsimeersuarneranni oqallisigineqarpoq.

Nunarsuarmi suliffissuaqarfiusut pujoorfissuisa biilerpassuillu pujuisa minnerunngitsumillu atomip nukiga atorlugu nukissiuuteqarnikkut eqqakkat akoorutissanik ulorianartunik arrortinneqarsinnaanngitsunillu aniatitsiuarnerat nunatsinnut avatangiisaanullu sunniutai eqqarsaatigalugit ernumanartoqartoq, Avatangiisinut Naalakkersuisup Jens Napaattuup, nunat avannaamioqatigiit piujuartitsinissamik ineriartortitsinissaq pillugu oqallinneranni naqissuserpaa.

Jens Napaattuup tikkuarpaa nunarsuarmi avatangiisinik mingutsitsinnginnissaq pillugu nunatsinnit suliniaqataajumaneq annertusiartortoq, nunallu avannaamioqatigiit aamma taamaasioqqullugit kajumissaaruteqarfigalugit.

Issittumi Siunnersuisoqatigiit avatangiisit mingutsitsinermit sunnerneqarnerat pillugu nalunaarusiaat qaammatip matuma naalernerani saqqummiunneqassaaq, saqqummiunneqartussallu ernumanartoqartitsisut Jens Napaattuup oqaatigaa.

Avatangiisit pillugit oqillinnermi nunani avannarlerni arfanniartarnerup nunani avannarlerni akuerisaalernissaa Islandimiunit qaqilerneqarpoq.

Piujuartitsinermik tunngaveqarluni uumasunik nujuartanik atorluaasinnaanerup akuerineqarsinnaanera Islandimiunit tikkuartorneqarpoq. 

- Nunani avannarlerni tuttorsuit tuttuusallu piniarneqartarnerattut arfanniartarneq aamma isigineqarsinnaasariaqarpoq Islandimiut tikkuaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat