Avatangiisip ullua

Ullumikkut ulloq juunip tallimaat aamma allatut nunani tamalaani immikkut malunnartinneqarpoq. Tassa Naalagaaffiit Peqatigiit ukiut 33-it matuma siornagut ataatsimeersuarnerminni aalajangerpaat avatangiisit eqqumaffigineqarnerulissasut, tassungalu atatillugu avatangiisip immikkut ullulerneqarnissaa taamani aamma aalajangerneqarpoq, ullorlu juunip tallimaat nunarsuarmi avatangiisip ulluattut taagorneqalissasoq aalajangerneqarpoq.

Juunip tallimaat ukiut tamaasa immikkut qulequtserlugu malunnartinneqartarpoq, ukioq mannalu avatangiisip ullua aamma immikkut qulequtserneqarpoq, qulequtsiunneqarluni illoqarfik qorsooqqissoq.

Naalagaaffiit peqatigiit pisortaat Kofi Annan ullormut matumunnga atatillugu oqariartuuteqarpoq.

Kofi Annanip oqariartuuteqarnermini erseqqissarpaa Naalagaaffiit Peqatigiit naatsorsuutaat naapertorlugu ukiut 25 tulliuttut ingerlaneranni nunarsuarmi inuiaat amerliartornerat illoqarfinni malunnarnerpaajumaartoq, illoqarfissuillu inuttusiartuinnalerpata avatangiisimik silaannarmillu mingutsitsinerup suli annertulerulernissaa naatsorsuutigisariaqaripput.

Tamanna pillugu nunani tamalaani siuttut Kofi Annanip kajumissaaruteqarfigai avatangiisimik mingutsitsinnginnissaq aallaavigalugu, nukissiuutinik atuinermut, imermik atuinermut angallannermut sanaartornermullu tunngasuni pilersaarusioqqullugit.

Avatangiisip ullua nunatsinni aamma malunnartinneqartoq avatangiisinik pinngortitamik uumasunillu illersuiniaqatigiiffik Uppik nalunaarpoq.

Uppiup siulittaasua Jens Peter Lange oqarpoq avatangiisip ulluanut atatillugu nunatsinni nunaqarfiit tamat minguitsuutinneqarnissaat paasisitsiutigineqassasasoq, nunaqarfimmiullu tamat nunamik saliinerminni atugassaannik puussiarsuarnik aamma nassinneqarumaartut.

Nunaqarfiit minguitsuutinneqarnissaannik ukioq manna suliniummi qulequtserlugu “Pinngortitaq minguitsuutiguk ”, Uppik Peqqinnissamut Avatangiisinullu Pisortaqarfiit suleqatigiissasut Jens Peter Lange oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat