Avatangiisinut suliniutit nalunaarusiani ilanngunneq ajorpaat
Suliffeqarfiit ukiumoortumik naatsorsuusioraangamik ataatsimut isigalugu avatangiisit pillugit ukiup ingerlanerani suliniuteqartarsimanersut naatsorsuutini ilanngunneqarneq ajorput.
Nunat avannarliit ministeriisa aalajangersaasartuisa tamanna misissuiffigeqqammerpaat, nalunaarusiortitsillutillu.
- Ukiumoortumik naatsorsuusiornermi avatangiisit pillugit suliffeqarfiit qanoq suliniuteqartarsimanersut piumasaqaataagaluarpoq, pinerilli tamaasa eqquutsinneqartarani, nalunaarummi taama allaaserinnittoqarpoq.
Kukkunersiuisut Nunani Avannarlerneersut 250-it misissuinermi peqataapput.
Suliffeqarfiit Nunani Avannarlerneersut naatsorsuusioraangamik avatangiisit pillugit suliniutigisimasatik ilannguttaraluarpaat, kukkunersiuisulli naliliinerminni oqaatigaat naatsorsuutinik atuisartut paasissutissat atorsinnaaneq ajoraat.
Paasissutissat pingaaruteqassusaat apeqquserneqarpoq, paasissutissallu suliffeqarfinneersut tamatigut sanilliunneqarsinnaaneq ajortut oqaatigineqarluni.
Avatangiisit pillugit suliffeqarfiit suliniutigisaat tamakkulu naatsorsuutinut ilanngunneqartarnerisa pillugit suliffeqarfiit naatsorsuutinillu atuisartut imminnut paaseqatigiinnerulernissaat atorfissaqartinneqartoq, nalunaarusiami allaaserineqarpoq.