Avatangiisinik mingutsaaliuinissamut isumaqataasut
Nunarsuarmi innuttaasut tamarmik nunarsuatta allanngoriartornera pillugu qaammaasaqalertariaqarput, nunallu allanut assuarleratik namminneq nunaminni qanoq pitsanngorsaasinnaanerlutik pimoorullugu aallutilissavaat.
Teknikkikkut siuarsaatit nunani pingissaarnerusuni pigineqartut siaruarterneqassapput. Nunat piitsut ullutsinnut naleqqunnerusunik mingutsitsinnginnerusunillu atortorissaaruteqalertariaqarput.
Nunani tamani socialikkut aningaasarsiornikkullu piorsaanissaq annertusartariaqarpoq, avatangiisinut ajoqutaanngitsumik.
Taama nipeqarpoq avatangiisinut ministerit 25-it pisortatiguunngikkaluamik anguniagassatut Ilulissani isumaqatigiissutaat.
Isumaqatigiissummik atsioqatigiittoqassangaluarpat anguniagassanut atsioqataasimassangaluarlutik ministerit arlallit oqarput.
Siorna ataatsimeersuartuniikkatta pissarsisutut misiginata uteratta massakkut pissarsilluinnarluta uterpugut, tamannalu neriunartoqartitsilerpoq, avatangiisinut ministerit ilaat oqarput.
