Avatagiisit pillugit oqallinneq inuusuttunut paasinarnerusariaqarnerarpaat
- Politikerit, atorfilittat, kisitsisillu paasinanngitsut taamaallat TV-kkut annerusumik takusarpagut, inuusuttut naluaat Kalaallit Nunaanni avatangiisitsinni susoqarnersoq. Taamaammat inuusuttut ujartorpaat nunatsinni avatangiisit pillugit paasititsiniaaneq inuusuttunut paasinarnersoq, soqutiginarnerusorlu, taama oqarpoq ataatsimeersuarnermi peqataasut ilaat 14-nik ukiulik Niini Malu Hansen:
-Tamakku fjernsynimiittartut inuusuttunut paasinarpiarneq ajoramik, uanga paaserpiarneq ajorpakka, statistikkiunermik (kisitsiseqartarnermik aaqq.) aamma inuusuttut oqaluusererpiarneq ajorpaat, naluaallu amerlanerit susoqarnersoq massakkut Kalaallit Nunaanni, Niini Malu Hansen nassuiaavoq.
Avatangiisit pillugit inuusuttunut meeqqanullu paasinarnerusumik oqallittoqartalernissaa pissappat politikerit qanoq iliuuseqarnerusinnaanersut aapeqqutigigatsigu Niini Malu Hansen siunnersuuteqarluni ima akivoq:
-Inuusuttunut meeqqanulluunniit arlaannik immaqa atuarfimmi sutitsisariaqarput, uagut nalugatsigu. Immaqa arlaannik sipaalaarsinnaavugut, soorlu puussiat atortarunnaarlugit. Maani paasisatta ilagivaat, CD-it sunaaffa aamma atoqqinneqarsinnaasut, soorlu tamakkukujuit, Niini Malu Hansen pissarsiaqarluarsimanini pillugit ilaatigut taama nassuiaavoq. Aperaarput uparuaanerat pillugu, tassa politikerit kisimik paasinarpianngitsumik oqallittarnerat qanoq allanngortinniarneqartariaqarnersoq:
-Tassa inuusuttunut meeqqanullu paasinarnerusariaqarput! Soorlu quppersagaaqqanik sanatitsisinnaapput paasinarnerullutillu soqutiginarnerusunik. Maanimi paasisaqaqaagut, inuusuttut saqqummiussisaqattaarput, tuluttuujungaluarput, kisianni paasinartorujussuupput, qanorlu sarfliortoqarsinnaanersoq aamma paasivarput. Paasisaqarnaqaaq pissarsiaqaqaagullu, taama oqarpoq 14-nik ukiulik Niini Malu Hansen.
Kalaallit Nunaata siunissaa qulakkeerniarlugu pinngortitamit nukissiuutit atorlugit, soorlu seqernup kissarnerata erngullu nukingata atorluarneqarnerunissaat aallunneqarnerusariaqartoq nunatsinneersut inuusuttut isumaqarput
Avatangiisit pillugut ataatsimeersuarneq inuusuttunut sammititaq, juulip arfernganiit aqqaneq aappaat ilanngullugu ingerlanneqassaaq.
