Avataarsuarliartaat SpaceX ISS-imut ikkuppoq

Amerikamiut silaannarsualiartaat SpaceX Floridamit aallartitaat, nunat tamalaat avataarsuani misissuisarfiannut ISS-imut maanna missimalerpoq.
Silaannarsualiartaammi ilaasut marluk nunarsuarmut qaammatit pingasut sisamallu ingerlanerani uteqqinnissaat naatsorsuutigineqarpoq. Assi © : Scanpix
Allattoq Ritzau
maajip 31-at 2020 14:52

Minnera CNN-ip toqqaannartumi tamanna takutippaa.

Taanna nalunaaqutarput malillugu 12:6 mippoq.

Avataarsualiartaatsip inuttaanut inimi Crew Dragonimi amerikamiut avataarsualiartartut marluk Robert Behnken 49-nik ukiulik aamma 53-inik ukiulik Douglas Hurley inuttaapput.

Avataarsualiartaat SpaceX Kennedy Space Centerimiit arfininngormat nunatta nalunaaqutaa malillugu 17.22 aallarpoq.

Atassuteqarneq pilersaarut malillugu ingerlavoq, avataarsuarliartaat Kinap Mongoliallu killeqarfiata nalaani 420 kilometerisut nunarsuarmit ungasitsigisumi inisseqqavoq.

SpaceX biilimik Teslamik piginnittumit Elon Muskimit pigineqarpoq.

Aatsaat siullerpaamik nammineq pigineqartumik silaannarsualiartitsisoqarpoq.

Silaannarsualiartaammi ilaasut marluk nunarsuarmut qaammatit pingasut sisamallu ingerlanerani uteqqinnissaat naatsorsuutigineqarpoq.