Avataarsuaniit attavigineqartarsimagaluarpugunngooq
Avataarsuaniit nunarsuarput arlaleriarujussuarluni attaviginiarneqartarnikuuvoq, naalakkersuisulli tamanna ukiuni kingullerni 60-ini isertuunnikuuaat, Apollo 14-imut ilaalluni avataarsualiaqataasoq, inuillu qaammammi pisuttut siulliit arferngat, Edgar Mitchell taamatut oqarpoq.
Allattoq Mads Lynge
juulip 25-at 2008 11:27
Mitchell, Massachusettsimi teknologi pillugu ilisimatusarfimmi silaannakkut angalasinnaaneq pillugu ilisimatusarnikuuvoq, apersorneqarlunilu oqaluttuarpoq Amerikamiut avataarsualiartarneq pillugu allaffeqarfianni, Nasa-mi atorfeqarnermi nalaani avataarsuaniit nunarsuatsinnut apuuttut arlallit ilisimasaqarfigalugit, tamarmilli isertuunneqartut. Avataarsualiartartoq utoqqalinersiaqalersoq, Mitchell, maanna 77-inik ukioqartoq, aamma oqaluttuarpoq avataarsuaneersunik takorloortakkatsinnut piviusut assingusut, tassa inuaqqatut isikkullit iserujussuallit. Nasa-mi atorfillit Mitchellip oqaluttuai eqqunngitsuunerarpaat.
