Avataarsuani uumassuseqartoqarsinnaavoq
Oqarutta Enceladus – soorluluunniit nappaat pineqartoq.
Pineqartorli tassaavoq Saturnip qaammataasa minnerit ilaat, avataarsuanilu uumassuseqartoqarsinnaanera eqqartorneqaraangat ilisimatuut qaammat taanna ilimagineqarpaavaat.
Qaammat taanna Europamiut avataarsualiartaateeraanit inuttaqanngitsumit, Cassinimit, siorna miffigineqarpoq. Assilisani takuneqarsinnaavoq qaammammi tassani imeqartorujussuusoq, qaammallu kissartorujussuusoq takuneqarsinnaalluni.
Imeq kissassuserlu uumassuseqalersitsisarmata, neriuutigineqalerpoq uumassusilinnik Enceladusimi molekyleqarsinnaasoq.
Avataarsualiartaat inuttaqanngitsoq, Cassini, qaammammik taassuminnga ukiut marluk qaangiuppata saneqqutseqqippat avataarsuani uumassuseqartoqarnersoq immaqa paasisinnaajumaarparput.