Avataarsuani taskimik katatseqqaartoq soorunami arnaavoq

Avataarsuani taskimik katatseqqaartoq arnaavoq, tamannalu tupaallannarpallaassanngitsoq angutit amerlanerit isumaqaqqajaasinnaapput. Avataarsualiartartut angutitulli avataarsualiartartutut pikkoritsigipput, taama oqarpoq avataarsuaq pillugu misissuinermi ingerlatsiviup siulittaasua, aviisimut Berlingske Tidendemut.
Allattoq Louise M. Kleemann
novembarip 20-at 2008 08:34

Amerikamiut avataarsualiartitsisarfianit, NASA-mit, Endeavourimi avataarsuani angalaarnerni sisamaasussani, angalanermi siullermi taskini sakkunik imalik arnap katappaa. Tamanna pivoq arnap suleqatimilu tanki kvælstoffimik imalik taarserniarneranni.

Kisiannili danskit avataarsuani ilisimatusarfimmi ingerlatsiviani siulittaasoq, Steen Eiler Jørgensen, oqarpoq, taskimik katatsisoq arnaammat tamanna ernumanartoqanngitsoq.

- Taskimik sakkunik imalinnik avataarsuani katatsineq nalinginnaasuunngilaq, tamannali avataarsualiartartup arnaaneranut attuumassuteqanngilaq. Arnammi avataarsualiaratrtut angutinut sanilliullugit amerlavallaanngillat, Steen Eiler Jørgensen oqarpoq. Taski sakkunik imalik nunarsuatsinniit 320 kilometerimiit ungasitsigaluni tamassa tiimimut 8 kilomeeterinik sukkassuseqarluni ingerlarsorpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq