Avataarsuani perusuersartarfiiartut

Misissuisarfiup perusuersartarfia sapaatip akunnerani kingullermi ajortippoq - Tassalu tappavani perusuersartarfituaralugu. Anorisaat atorlugu annat quullu perusuersartarfimmut katersorneqartaraluarput, maannali quumik katersisinnaajunnaarsimavoq, taamaammat avataarsuaniittut pingasut quutik puussianut immiussorpaat. Amerikamiut avataarsualiartitsisarfiat, NASA, tuaviornerpaamik Ruslandimi perusuersartarfimmik avataarsuani atorneqarsinnaasumik piniarsimavoq, avataarsualiartaatillu nassatassaralui perusuersartarfiup maqissutissaa inissaqartinniarlugu ilanngarterpaat.

-Soorunami atorsinnaasumik perusuersartarfeqarnissaq pingaarteqaarput, Scott Higginbotham, Kennedy Space Centerimi atorfilik oqarpoq.

Avataarsualiartaat ”Discovery”, arfininngorpat perusuersarfissamik avataarsuanukaassissaaq, tamannalu avataarsuaniittut pingasut nunujunnaarlutik qujagissagunaqaat.