Avataarsuani anartarfik aserortoq

Avataarsualiaammut ilaalluni "nuannaariarnerinnaanngilaq". Amerikami avataarsualiarnermik suliallit NASA-meersut ullumi nalunaarput Avataarsuani Nunat Tamat Suleqatigiiffiata ISS-ip anartarfia aserorluni atorunnaartoq maannalu astronautit 13-it Ruslandimiut anartarfissamaataat ataatsimooruppaat.
Allattoq Oline I. Olsen
juulip 20-at 2009 10:48

Anartarfik taanna aatsaat aserulinngilaq. Siorna taama pisoqarpoq, anartarfillu Ruslandimi sanaajusoq dollarit millionit arlallit atorlugit aaqqissuunneqarpoq.

Taamani sapaatit akunnerini marlussunni anartarfimmut puussiat ikkussuunneqartariatarput ajornartorsiullu aaqqiaarneqanngippat puussiat taamaattut atoqqinneqalersinnaasut, NASA-mit nalunaartoqarpoq.