Avataarsualiartartut SpaceX-imeersut nunarsuarmut utertut

Amerikamiut avataarsualiartartut marluk Bob Behnken Doug Hurleylu angalanertik nunarsuarmik kaajallaanernik 1024-inik sivisussusilik naammassivaat.
Avataarsualiartaat Crew Dragon nunarsuarmut nunatta nalunaaqutaa naapertorlugu ippassaq sapaammi ualikkut nalunaaqutaq tallimanut tanneq qulingiluat missaanni uterpoq. Assi © : Scanpix
Allattoq Ritzau
aggustip 03-at 2020 09:14

Avataarsualiartartut marluk nammineq pigineqartumik avataarsualiartaammik "Crew Dragon"-imik qaammatit marluk matuma siorna avataarsualiarput, taakkua ippassaq sapaammi "Den Mexicanske Golf"-imut mipput.

TV-kkut assit tamanna takutippaat.

- Nunarsuarmut tikilluaritsi, qujanarlu SpaceX-imik angalagassi, nunamiit aqutsisoq avataarsualiartartunut marlunnut oqarpoq.

Avataarsualiartaat Nunatta nalunaaqutaa malillugu ualikkut tallimanut tanneq qulingiluat missaanni mippoq.

Amerikamiut avataarsualiartartut marluk Bob Behnken Doug Hurleylu angalanertik nunarsuarmik kaajallaanernik 1024-inik sivisussusilik naammassivaat.

Avataarsualiartaat "Crew Dragon" suliffeqarfimmit SpaceX-imit sananeqarpoq, taanna aallarnisaasumit Elon Muskimit namminersuutigalugu suliaavoq.