Avataarsualiartartut silaannarsualiannginnerminni aalakkuttarput
Avataarsualiartussat ilaasa, Amerikami avataarsualiartitsisarfiup, NASA-p, nakorsaasa avataarsualiartaammut ikinissaat marlussoriarlutik akuerisariaqarsimavaat, naak nakorsat nalileraluaraat, avataarsualiartussat taakku ima aalakoortigisut, allaat navianartorsiorsinnaallutik.
Avataarsualiartitsisarneq pillugu atuagassiap, Aviation Week & Space Controlip, atuagassiap nittartagaani tamanna nalunaarutigaa, Amerikami avataarsualiartitsisarfimmi tusarfimmit aterminik taaseqqusinngitsumit tusakkani tunngavigalugit.
Paasisimasallit sassartitat, sumulluunniit attuumassuteqanngitsut, erseqqissaatigaat, avataarsualiartartut avataarsualiannginnerminni ”annertuumik imigassartornisaminnik pisariaqartitsisartut”. Paasisimasallit taakku sulisussatut pilersinneqarput, arnaq avataarsualiartartuusimasoq, Lisa Nowak, avataarsualiartartoqatimi inooqataa ningarluni saassutereeraalu.
NASA-mi avataarsualiartarnernut akisussaasoq,
Bill Gerstenmaier, tusakkanut oqaaseqarumanngilaq.