Tasiilami isumaginninnikkut ajornartorsiuterpassuit Kalaallit Nunaanni innuttaasut suleqatigalugit aaqqinneqartariaqartut, Danmarkimiillu ikiorneqarani Martha Abelsen oqarpoq. Arkivfoto.Assi: KNR

Abelsen Tasiilaq pillugu : Avataanit ikiorneqarnissaq pisariaqanngilaq

Tasiilami isumaginninnikkut ajornartorsiuterpassuit Kalaallit Nunaanni innuttaasut suleqatigalugit aaqqinneqartariaqartut, Danmarkimiillu ikiorneqarani, Peqqissutsimut Isumaginninnermut Inatsisinillu Atuutsitsinermut Naalakkersuisoq Martha Abelsen isumaqarpoq

Tasiilami kinguaassiuutitigut atornerluinerit ajornartorsiutaanerujussuat pillugu  Kalaallit Nunaat ikioqqulluni noqqaassuteqassagaluarpat qularutigineqarsinnaanngilaq Danmarkip ikiuunnissaa, taama oqarpoq peqqissutsimut  isumaginninnermut inatsisinullu atuutsitsinermut Naalakkersuisoq Martha Abelsen,  taannali isumaqanngilaq, avataaniit ikiorneqarnissaq pisariaqartoq.

-Isumaqanngilaq avataaninngaaniit tikittut, innuttaasut taamatut sullisissagunikkit,   isumaaruttarpoq, qimagunnerit tamaasa takujuaannarparput, ajornartorsiut taannaajuaannartarpoq, Matha Abelsen  oqarpoq. 

 LÆS OGSÅ Kommuneqarfik Sermersooq erkender svigt på socialområdet i Tasiilaq

Taannaali isumaqarpoq  kommuneqarfik Sermersooq aamma Naalakkersuisut ajornartorsiut

aaqqittariaqaraaat, nassueritigalugulu innutaasunit ikiorneqarnissaq pisariaqartoq. Naalakkersuisut politikerilluunniit kisimik una akisussaaffiginngilaat, inuiaqatigiittut ,

Tasiilamiikkutta, Kujataaniikkutta, Avannaanniikkutta ataatsimoorluta kivitsinissarput tullinnguussimavoq, Martha Abelsen taama oqarpoq.

Tasiilami isumaginninnikkut ajornartorsiutit imaannaanngitsut oqaluuserineqalerput, Danmarks Radiop piviusulersaarutaa, “Byen hvor børn forsvinder, takutinneqareermat.  Piviusulersaarummi oqaluttuarineqarpoq, Tasiilami meeqqat pingasuugaangata ataaseq kinguaassiuutitigut atornerlunneqartartoq, meeqqallu marluugaangata ataaseq kommunemi isumaginninnikkut suliassaasartoq.

LÆS OGSÅ Børnene betaler for manglende politisk vilje til samarbejde

Siusinnerusukkut suliniutigineqarsimasut naammattumik suliarineqarsimannginnerat pillugu  Naalakkersuisut

- Ajuusaarnarpoq tusarlugu  iliuuseqarsimanngitsutut misigisimasut uani aallakaatitassiami oqariartuutigimmassuk, naak Naalakkersuisut tungaanniit ilumut ajornartorsiutip qanoq issusia, qanorlu annertussusia, nassuerutigalugu iliuusissarpassuarnik qinersinerit iliuuseqartoqarnikuummat, Martha Abelsen oqaroq.

Tasiilami ajornartorsiuterpassuit aaqqinneqarnissaat qanittumi pinavianngitsut Martha Lund Olsenip oqaatigaa :

-  Ullormiit ullormut anniaatit taama annertutigisut naammassineqarsinnaanngillat,  pilersaarusioqqissaarnikkut inuiaqatigiit inuiaqatigiit ataatsimoortumik kivitseqatigiinnikkut aaqqinneqartariaqarput, Martha Abelsen oqarpoq.

Martha Abelsen maajip qaammataata naalernerani Tasiilamukassaaq, tassani  innutaasut oqaloqatigissavai ajornartorsiutillu annertuut sunik aallaaveqarnersut misissussallugu.

på dr.dk her. 

Piviusulersaarut “ Byen hvor børn forsvinder uani takuneqarsinnaavoq 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat