VIDEO Avannaata Qimussersuaqarneranit pingaarnersiukkat takukkit

Qimussit 33-t Avannaata Qimussersuanut Uummannami arfininngormat ingerlanneqartumut peqataapput.

Allattoq Nutaarsiassaqartitsivik / Nyhedsredaktionen

apriilip 05-at 2016 11:46

Qeqertami Ilulissanilu qimmit nappaalanerat pissutigalugu Avannaata Qimussersuata ingerlanneqarnissaa ajornartorsiorfiusimagaluartoq peqataasut seqinnarissuup ataani sukkaniuunnerat ingerlalluarpoq.

Saattormiu Edvard Samuelsen kilometerit 40-t ingerlaarfigereerlugit apuuteqqaartuuvoq, siorna Avannaata Qimussersuanngortoq Saqqarmiu William Jensen normu 2-nngorpoq Thomas Thygesenilu Saattuneersoq normu 3-nngorluni.

Aamma atuaruk ASSIT Edvard Samuelsen Avannaata Qimussersuani ajugaavoq

Qimussit aallarnerit, tikinnerat nuannattullu assingi KNQK Qimussersuup Facebookimi qupperneraneersut uani takukkit.

Isiginnaagassiaq Avannaata Qimussersuaniit akunnerup affaanik sivisussuseqartoq KNR TV-mi sisamanngorpat apriilip arfineq aappaani nalunaaqutaq 20:30 isiginnaarsinnaavat.