Avannaata qimussersuanut peqataaniartut ikilipput

Uummannami Upernavimmilu qimussertartut ukiormanna qimusserfissaalatsipput avannaani sikunngitsuujusavinnera pissutigalugu.

Illoqarfiit taakku marluk qimussertartuisa peqatigiiffii maanna nalunaarput Avannaata qimussersuanut peqataatitaqarsinnaajunnaarlutik sukkaniunnissarsuup Sisimiuni martsip 24-iani ingerlanneqarnissaanut.

- Ullumikkut Uummannarmiut peqatigiiffianniit nalunaarfigineqarpunga peqataasinnaajunnaartunngooq. Aamma siusinnerusukkut Upernavimmiut nalunareerput peqataasinnaajunnaarlutik, taama KNRimut oqarpoq Kalaallit Nunaanni qimussertartut kattuffianni KNQK-mi siulittaasoq Mikkel Jeremiassen tallimanngorneq februaarip 18-iat.

- Maanna peqataasussat 33-nngorput pilersaarutit siulliit malillugit 40-sussaagaluarlutik, taama Mikkel Jeremiassen ilisimatitsivoq.

Uummannap sulluamiut siorna angusarissaaraluarput. (Siorna angusat ataani takukkit) Maannali taakku sikunngitsuujusavipput allaallu Upernaviup nunaqarfiisa avannarlersaat Kullorsuaq juullikkunni umiarsuakkut pajunneqarluni tamannalu qaqutigoorluinnarpoq.

Avannaata qimussersuaqarnissaanut suli anngunniunnerit aallartinngillat amerlanerilli martsip tallimaani aamma aqqaneq aappaanni ingerlanneqassapput.

- Ilulissaniit nunaqarfinniillu Saqqamiit Qeqertamiillu annguttut Dash 7-imik Sisimiunut timmisartuunneqassapput. Peqataasussat allat angallatit atorlugit Sisimiunut ingerlanneqassapput tamannalu pisariaqalersimavoq Sisimiut tungaannut qimusserfiusinnaasumik sikoqanngimmat, taama Mikkel Jeremiassen oqarpoq.

Timmisartup Dash 7-ip iluani inissakilliornartussaavoq qamutit arfineq pingasut qimmeqatigiillu arfineq pingasut Sisimiunut timmisartuunneqalerpata.

- Qujanartumik kommuuniniit tapiiffigineqarpugut aamma neriuutigaarput tipsernermut lottornermullu aningaasaniit tapiiffigineqarumaarluta. Aamma qimussertartut peqatigiiffiit peqataatitsisussat katersuiniaqataasarput, taama Mikkel Jeremiassen oqarpoq.

Aajuku siorna Avannaata qimussersua Qeqertarsuami ingerlanneqarmat angusat:

1. Jørgen Kristensen, Ilulissat 1.58.26 timer

2. Kuuno Markussen, Ilulissat 2.00.42 timer

3. Hans II Petersen, Ukkusissat 2.00.51 timer

4. Edvardt Samuelsen, Ukkusissat 2.01.01 timer

5. Amos Jensen, Saattut 2.01.21 timer

6. Andreas Broberg, Ukkusissat 2.02.30 timer

7. Ville Siegstad, Ilulissat 2.02.45 timer

8. Kristian Inuusuttoq, Ikerasaarsuk 2.03.04 timer

9. Isak Siegstad, Kangaatsiaq 2.03.04 timer

10. Jens Ole Jensen, Uummannaq 2.03.44 timer

11. William Jensen, Saqqaq 2.04.02 timer

12. Peter Jerimiassen, Qasigiannguit 2.04.17 timer

13. Hanseeraq Olsen, Sisimiut 2.06.30 timer

14. Nukappi Brandt, Qeqertarsuaq 2.08.39 timer

15. Hansiaraq Zeeb, Qasigiannguit 2.08.58 timer

16. Knud Mølgaard, Sisimiut 2.09.31 timer

17. Gurna Zeeb, Qeqertarsuaq 2.09.59 timer

18. Karl Jensen, Saqqaq 2.12.15 timer

19. Pavia Siegstad, Kangaatsiaq 2.12.18 timer

20. Arne Broberg, Qeqertarsuaq 2.13.23 timer

21. Emil Brandt, Aasiasat 2.13.44 timer

22. Lars Iversen, Aasiaat 2.14.06 timer

23. Malik Samuelsen, Qasigiannguit 2.15.58 timer

24. Aqqalunnguaq Mølgaard, Qeqertarsuaq

25. Jonas Lukassen, Kangerluk 2.18.46 timer

26. Steffan Hammer, Sisimiut 2.19.57 timer

27. Søren Davidsen, Sisimiut 2.20.13 timer

28. Jørgen Andersen, Aasiaat 2.20.22 timer

29. Jerimias Inuusuttoq, Kangaatsiaq 2.22.29 timer

30 Kaalertaaq Andersen, Aasiaat 2.23.16 timer

31. Karl Hansen, Qasigiannguit 2.24.03 timer

32. Jørgen Borup, Sisimiut 2.24.38 timer

33. Ferdinand O Hansen, Akunnaaq 2.31.00 timer