Avannaata Qimussersua ullumi aallartippoq
Avannaata Qimussersua Qeqertarsuarmi ukioq manna pisussatut aaqqissuunneqartoq ullumi ulloqeqqartoq aallartippoq, apuukkiartortullu siulliit kikkuunersut KNR Radiokkut toqqaannartumik nalunaaqutaq 13:48 malinnaavigisinnaavat.
Allattoq Mads Lynge
marsip 28-at 2015 12:48
Avannaata Qimussersua Qeqertarsuarmi ukioq manna pisussatut aaqqissuunneqartoq ullumi ulloqeqqartoq aallartippoq.
Avannaata Qimussersuani siorna ajugaasoq William Jensen, Saqqameersoq, siorna ajugaanini pillugu Sermitsiaq.AG-mut ima oqarpoq:
- Takorlooruminaattuaannarpoq siulliulluni tikikkiartornissaq. Kisianni siorna Ilulissani siullersaallunga tikittussanngorlugu paasigakku soorunami immikkut misigisaavoq nuannersoq, William Jensen qungujulalluni Sermitsiamut oqaluttuarpoq.
Avannaata Qimussersuani peqataasut apuukkiartortut siulliit kikkuunersut KNR Radiokkut toqqaannartumik malinnaavigisinnaavat, tassa nalunaaqutaq marlunut tanneq qulingiluanngoriitsiartoq, 13:48, KNR Radiokkut toqqaannartumik tusagassaqarumaarpoq.
