Avannaata Qimussersua nuunneqassanngilaq

Avannaata Qimussersuata illoqarfimmut allamut nuunnissaanut piffissaq sivikillappaalereerpoq. Taamaattumik sukkaniunnersuaq taanna Sisimiuni ingerlanneqassaaq.
Allattoq Noah Mølgaard
marsip 17-at 2011 06:22

Sikorsuit kitaanut tipinerat pissutigalugu Avannaata Qimussersuaqarnissaa marsip 26-ani ingerlanneqartussaq Sisimiuniit nuunneqangajappoq.

Peqataasussat peqatigiiffii pingasunngornermi ualikkut ataatsimiingasuartinenqarput, tassanilu aalajangiunneqarpoq Avannaata Qimussersua nuunneqassanngitsoq.

Peqataasussat 20-it qimmitik atortutillu nassarlutik angallatinik Sisimiuliartussaapput. Kitaatali sikorsui Attup Sisimiullu akornannut tipimmata sineriak tamanna ulluni kingullerni angallatinit angisuunit allaat angalavissaajunnaarsimavoq.

- Kisianni tassa piareersaatit killiffii, aammalu imaatigut angallatit eqqarsaatigalugit qimussit 20-t taakkua piffissaagallartillugu anngutseriarsinnaaneriarsinnaanerinut neriunartortaqarmat ullut quliinnanngornerini imaaliallaannaq nuutsitsinissaq imaannaanngilluinnartussaammat siulersuisuunerit aalajangerpaat Avannaata qimussersua 2011 Sisimiuni ingerlanneqassasoq marsip 26-at, taama Kalaallit Nunaanni Qimussertartut Kattuffianni KNQK-mi siulittaasoq Mikkel Jeremiassen nalunaarpoq.

Siorna Avannaata Qimussersuanngortup Jørgen Kristensenip Ilulissaneersup pissartaanini illersortussaavaa.