Illoqarfinni arlalinni Avannaata Qimussersuanut anngunniuttoqareerpoqAssi: Johan Geisler

Avannaata qimussersua: Aasiammiut anngunniuteqqissasut

Qimussit 26-it Avannaata Qimussersuanut maannamut anngupput. Annguttut aqqi takukkit

Avannaata Qimussersuanut anngunniullutik Aasiammiut arfininngorpat qimussimik sukkaniuteqqittussanngorput. Avannaata Qimussersuani ileqqorissaarnissamut ataatsimiititaliaq nalunaarpoq arfininngorneq martsip arfineq aappaat Aasianni angusat atortussaajunnaarsinneqartut. Kukkussut aaqqissuisuniittoq nalunaarutigineqarpoq.

Avannaata Qimussersuanut piareersaatut aallartilluareerput nunalu tamakkerlugu sukkaniunnermut suliniaqatigiiffik aalajangerpoq Avannaata Qimussersua martsip 28-at pissasoq naak nualluutip coronap tuniluunnissaa aarleqqutigineqaraluartoq.

Qimussut 26-it maannamut Avannaata Qimussersuanut anngutereerput illoqarfinnilu arlariinni anngunniunnerit piffissami aggersumi pissapput. Aasianni anngunniunnermi qimussit aqqaneq marluk aallaraluarput pingasuinnaalli eqqortumik aallarsimallutik.

 

Aallartitsinerliorneq

- Avannaata Qimussersuani malittarisassat malillugit aallartitsinermi megafon atorneqaqqusaanngilaq. Taanna atornagu taarsiullugu erfalasut assigiinngitsunik qalipaatillit atorlugit aallartitsisoqartarpoq. Aasiammiulli tassa megafon atorlugu aallartitsisimapput pingasuinnaallu eqqortumik aallarsimallutik, Avannaata Qimussersuani ileqqorissaarnissamut ataatsimiititaliami siulittaasoq Arnarulunnguaq H. Zeeb oqaluttuarpoq, nangillunilu:

- Pisimasoq oqaluuserereerparparput Aasiannilu aaqqissuisunut nalunaarutigalugu anngunniullutik sukkaniuteqqittariaqartut peqataasut amerlassusaat naapertorlugu kukkusumik aallartut amerlavallaarmata. Aaqqissuisuniit aamma ilisimatinneqarpugut arfininngorpat sukkaniuteqqittoqassasoq, Arnarulunnguaq H. Zeeb oqarpoq

Avannaata Qimussersuani meeqqat sukkaniunnerat Avannaata Qimussersuaaraa marlunngorneq martsip 24-at KNR-TV-mi toqqaannartumik aallakaatinneqassaaq inersimasullu Avannaata Qimussersuani sukkaniunnerat arfininngorneq martsip 28-at aamma toqqaannartumik aallakaatinneqassalluni.

Maannamut annguttut aqqi uani takusinnaavatit:

 

Upernavik Kujalleq / Kangersuatsiaq:

1. Lars Karl Karlsen

2. Otto Karlsen

3. Jens Mørch

 

Sisimiut:

1. Kristian Lundblad

2. Villy Olsvig

3. Marius Inuusuttoq

4. Charlie Jessen

5. Hans Johan Kristensen

 

Kangaatsiaq:

1. Anders Petersen

2. David Frederik Jeremiassen

3. Erneq Jeremiassen

4. Kristian Inuusuttoq

5. Aqqalu Frederiksen

 

Qasigiannguit:

1. Niisinnguaq Geisler Lundblad

2. Aqqalu Thomsen

3. Sivert Samuelsen

4. Nikolaj Samuelsen

5. Inunnguaq Markussen

 

Ilulissat:

1. Minik Olsvig Svendsen

2. Frederik Mathiassen

3. Ilannguaq Berthelsen

4. Salik Fly

5. Kuno Markussen

 

Saqqaq / Qeqertaq:

1. Tittus Broberg

2. William Jensen

3. Mikkel Jensen

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat