Avannaata qimussersua 2005
Avannaata qimussersua 2005 ullumikkut Ilulissani ingerlanneqarmat ukioq manna Avannaata qimussersuanngorpoq Saattormiu Thomas Thygesen. Malitsigaa ukioq kingulleq Avannaata qimussersuarisaa Ville Siegstad Ilulissaninngaanneersoq. Normu 3-ngorpoq Upernaviup kommuneanit Inanaarsummiu Otto Kristensen, normu 4-raalluni Aantuut Street Saattormiu normu 5-nngorlunilu Pele Eliassen aamma Upernaviup kommuneani Innaarsummeersoq.
Avannaata qimussersuanut peqataasut katillugit 43-put kommunillu arfineq pingassut peqataatitaqarput.
Avannaata qimussersuanik aaqqissuussisuni aqutsisoq Finn Siegstad oqarpoq qimussit tamarmik ajoratik tikissimasut.
- Avannaata qimussersuata ingerlanera ajunngitsumik naammassineqarpoq, aamma ukioq manna qimminik toqusoqanngilaq. Qimusserfik 45 km-niit 40 km-nut appartinneqarnikuuvoq, tamannalu tamanit iluarisimaarneqarluni, Avananata qimussersuanik aaqqissuisoq Finn Siegstad oqarpoq. Avannaata qimussersuaqarneranut illersuisutut aggersimavoq naalakkersuisut siulittaasuat Hans Enoksen.
