Odense Kommune, Fredericia Kommune aamma Svendborg Kommune, tamarmik avannaani kommunimut illoqarfittut ikinngutaasut, sapaatip akunnerata ingerlanerani paasisassarsiortunit orninneqassapput.
Paasisassarsiornermi inunnik isumaginninnikkut, meeqqanut inuusuttunullu tunngasuni, suleqatigiinnerulernissaq anguniarneqarpoq.
Borgmester Jess Svane-p saniatigut inunnik isumaginninnermi ataatsimiititaliami siulittaasoq, Bendt B. Kristiansen aamma meeqqanut, kulturimut atuartitsinermullu ataatsimiitaliami siulittaasoq, Apollo Mathiessen, peqataapput.
Paasisassarsiortut ilaatigut aamma pulaassavaat Odense-mi imerajuttunut katsorsaavik aamma utoqqarnut sullissinermi teknologi siuarsimanerpaatut atorneqartartoq tusarniaavigissallugu.
Angalaqatigiit Fredericiami atuarfik pulaassavaat, tassani atuartitseriaaseq aaamma autisme-mut tunngasut paasiniaavigissallugit.