Eqqaavissuaq nunaqarfiup mittarfianut qanippoq, eqqakkallu mittarfimmut teqqaalersimanerat timmisartuussinermut sillimaniarnermut akornutaavoq.Assi: Mittarfeqarfiit

Avannaata Kommunia heliportimut matusinermut: Eqqaavik ungalulersorneqassaaq

Kangersuatsiami qulimiguulimmut mittarfik eqqagassaqarpallaarnera pissutigalugu erngertumik matuneqarpoq.

Kangersuatsiami mittarfimmik matusineq Avannaata Kommuniani teknikkikkut ingerlatsivimmi pisortap Nick Nielsenip erngertumik iliuuseqarfigineqarpoq.

AAMMA ATUARUK Kangersuatsiami heliporti eqqagassaqarpallaarmat matuneqartoq

- Piaartumik iluuseqarnissarput toqqammaviussaaq, Nick Nielsen oqarpoq.

Qaammatip ataatsip ingerlanerani Kangersuatsiami eqqaaveqarfiup mittarfimmut akornutaajunnaarnissaa siunniukkitsik oqaatigaa.

Avannaata Kommunianit aaqqiisoqarnissaanut suliakkiigaluarlutik, sulisussaqarniarneq apeqqutaasinnaasoq teknikkikkup pisortap aamma oqaatigaa.

Eqqaavik ungalulersorneqassaaq

Kangersuatsiami eqqaavik heliportimut akornutaanera kisimiinngilaq. Niaqornani aamma ajornartorsiutaasoq Mittarfeqarfiit Avannaata Kommunianut nalunaarutigisimavaat.

Tamanna aaqqiiviginiarlugu sanasunut suliakkiunneqarpoq.

- Ungalulissuarput eqqaavik, sanasumullu ullumikkut attaveqassaagut taassumalu piaartumik suliarinissaa suliakkiissutigalutigu. Niaqornani taamatorluinnaq aamma ajornartorsiuteqarpugut, isumaqaraluarama suliarineqareersimassasoq. Mittarfeqarfiit taanna pillugu aamma saaffiginikuuaatigut aamma taanna piaartumik aaqqinneqassooq.

Sanasussaaleqisoqarmalli suliaq piareeruminaappoq:

- Imaanngitsoq utoqqatsissummik ujaasisunga, kisianni Avannaata Kommuniani sanasussaaleqinerujussuaq piugami. Niaqornani aaqqiisoqarsimannginnera sanasussaaleqisoqarneranit piuvoq kisianni Avannaata Kommunianiit piaartumik massakkut aaqqiisoqarnissaa suliakkiissutigalugu ingerlatissuagut, Avannaata Kommuniani teknikkikkut ingerlatsinermi pisortaq Nick Nielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat