Avannaani kommunit kattuttussat utaqqikatapput

Avannaani kommunit kattussuunnissaannut atatillugu qitiusumit ersarissumik paasissutissinneqartannginneq, aaqqissuussinermi suleqataasup, Ilulissani borgmesterip tulliata, Bendt B. Kristiansenip qatsuppaa.

- Oqaluttuuttariaqalerpaatigut suliassaqarfit kommuninut qitiusumik qaqugu nuunneqarnissaat takorloornerlugu tamanna piaanngippat kommunini sulisut siunissartik nalornissutigiuassammassuk, oqarpoq Bendt B. Kristiansen. Bendt B. Kristiansen oqarpoq Namminersornerullutik Oqartussat piaarnerusumik paasissutissiisalertariaqartut avannaani kommunit kattussuunnissaat qallivallaartinnagu qulaajaalluaqqissaarnissaq kissaatiginarmat. –Pipallataanngitsumik naapertuuttumilli tunngavissanik aalajangersaassagutta pisariaqartipparput piaarnerusumik nalunaarfigineqartarnissarput minnerunngitsumik sulisooreersut aamma paasiaartariaqarpaat kommunerujussuanngortuni atorfissaqartinneqassanerlutik, Bendt B. Kristiansen oqarpoq.