Avannaani innuttaasut Qaasuitsup Kommunia pillugu taasitinneqassapput
Tassalu Siumumeersut amerlanerit Atassumeersullu taasisoralugit amerlanerussuteqartut piumasaat atuuttussanngorpoq, borgmester Ole Dorphip, Siumut ikinnerussuteqarlutik 2014-imi ukiakkut taasisitsinissaq kissaatigigaluaraat.
- Tassa taanna amerlanerussuteqartut aalajangerpaat. Tassaavorlu taanna uaugut suleqqinnissatsinni aallavissarput, borgmester Ole Dorph oqarpoq.
Taamaammallu inunnik paasisitsiniaanissaq Qaasuitsup Kommuniani manna piarersarneqartussanngpooq.
Tassami kommunalbestyrelsemi ippassaq aalajangernerup kinguneraa, Qaasuitsup kommuniata avineqarnissaanik apeqqut innuttaasunit aappaagu martsip nanerani isummerfigineqartussangormat. Innuttaasullu taasinissaat poliitikerit isummernissaminnut najoqqutarissavaat.
Inuttaasunik taasisitsinissaq ukiup naajartornerani aatsaat pissasoq, Borgmester Ole Dorphip Siumumeersup, kissaatiginerugaluarpaa. Isumalu taanna IA-mit tapersersorneqaraluarpoq. Taakkuali amerlanerussuteqanngillat.
Taasisitsinissaq marsiuliinnartoq pissasoq, ilaasortat 14-init, tassalu Siumeersut amerlanerit Atassummeersullu tamarmik, isumaqarpoq. Arfineq marluk tamatumunnga akerliusut.
- Innuttaasut taamannak aperissagutsigit tunngavissat ersarissut uppernarsaatinik malitsillit aallaavigalugit paasisitsiniaanerup inmgerlanenqarsinaanisaat uanga kissaatigiinnarpara. Taamaattumillu Inuit Ataqatigiit uanga taaseqatigaakka, Ole Dorph ikinnerussuteqanermik kingunweqartumik illua tungiliuttunik taaseqateqarnini nassuiarpaa.
Aamma Kommuninik 2009-mi iluarsaaqqinnerup upernaaq manna naliliivigineqarnissaa, Naalakkersuisunit pilersaarutaavoq.
- Nalunngilarput, Naalakkersuisut 2014-imi maajip qaammataani kommunit kattussuussimanerat pillugu nalilersuinerq ingerlanniaraat. Aamma paasinarpoq paasissutissat assigiinngitsut naalakkersuisoqarfinni assigiinngitsuni suliariniarneqartut, Ole Dorph oqarpoq.
